LATEP DONBUROM IA KA MET U PHADAR MUCT KUMAR TIRKEY, SDB HA LAITUMKHRAH

LATEP DONBUROM IA KA MET U PHADAR MUCT KUMAR TIRKEY, SDB HA LAITUMKHRAH
Ka Salesian Shillong Province ka iam briew bad ka dap da ka jingsngewsih bad jingpangnud ka bakhraw ia ka jingkhlad kyndit jong Rev Phadar Muct Kumar Tirkey, SDB, Rector, Savio Juniorate, Mawlai ha ka step 4 tarik Nailar ha ka por 7 baje mynstep. Ia ka met jong u la tep ha ka 5 tarik ha Lum Jingtep ka Balang Katholik ha Laitumkhrah.
La kha ia u Phadar Muct Kumar Tirkey ha ka 15 tarik Nailur, 1967. La pynkyntang Lyngdoh ia u ha ka 11 tarik Kyllalyngkot, 1998 bad u la khlad noh ha ka 4 tarik Nailar, 2024.
Ha ka janmiet 4 tarik Nailar la pynmynta ia ka Mass Bakhuid na ka bynta ka jingjahthait ka mynsien jong une u Lyngdoh ha Savio Juniorate, ha kaba bun ki paid riewngeit Katholik, ki dkhot ka seng Salesian, ki samla pule ka Juniorate bad ki lok ki jor jong une u Lyngdoh ki la wan ban duwai na ka bynta ka mynsiem jong u.
Ha ka 5 tarik, u Archbishop ka Jyllaniambah Shillong, Most Rev Victor Lyngdoh, u la long u Lyngdoh rangbah ban pynmynta ia ka Mass Bakhuid kaba shongkun na ka bynta ka mynsiem jong une u Lyngdoh ryngkat ka jingsynran lang bun ngut kiwei pat ki Lyngdoh.
U Rev Phadar John Zosiama, Provincial, u la niewtang ia ki kam bad ki jingtrei jong une u Lyngdoh ha kiba bun ki jaka ha ri lum Khasi.
Ki paid riewngeit na ki jaka ba une u Lyngdoh u la trei ki la tuid sha Savio Juniorate ban duwai bad ban pynpaw ia ki jingsngewnguh ia ki matti babha bad ki jingsneng jingkraw ba ki la ioh ha ka jingiadei bad jingiakynduh jong ki.
La tep don burom ia ka met jong u ha ka janmiet 5 tarik ha Lum jingtep ha Laitumkhrah haba la pyndep ia ka duwai ka phirat katkum niam ka rukom na ka bynta kiba iap.
Peit ia ki program ba bun bah jong ka Don Bosco Media Network TV
1. Local Cable LCN Channel 279
2. YouTube Channel
3. OTT @ dbmnTv
4. Ha ka website: donboscoshillong.org

#Khuborjylla #khasinews #khuborkhasi #NewsFromMeghalaya​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ #donboscomedianetwork #KSU #NEHU #Shillong #dbmnTv #Khubor #Shillong #donbosco #Samla #Youth

Follow us on:
Facebook: https://www.facebook.com/profile.php?id=100088693591326
Instagram: https://www.instagram.com/db_media_network_shillong/