KHUBLEI KHATDUH KA ST MICHAEL SCHOOL, UMSNING IA U BABU CLEMENT BAD KONG BRIGITTEE

KHUBLEI KHATDUH KA ST MICHAEL SCHOOL, UMSNING IA U BABU CLEMENT BAD KONG BRIGITTEE
Ka St.Michael's Higher Secondary School, Umsning, Ri Bhoi District, ha ka 31 tarik Risaw, ka la khublei khatduh arngut ki nonghikai kiba shongthait noh na ka kam da kaba pynkup burom ia ki kum ka dak jong ka jingsngewnguh na ki nongpyniaid skul, na ki para nonghikai, na ki nongtrei bad na baroh ki khynnah skul. Kine arngut ki nonghikai kiba shongthait noh, ki long u Clement Mawlong bad ka Kong Brigitte Kharbani. La leh burom ruh ia u Babu Sukanta Bhattacharya uba la ioh ia ka khusnam District Teachers’ Award na ka sorkar jylla.
Ha ka jingialang ba la pynphuh pynphieng da ka skul bad da ki khynnah skul ha kane ka sngi, nalor ki nongpyniaid skul, la wan ban lehkmen lang da ki nongialam bad ki dkhot jong ka St Michael’s Past Pupils. Association kiba kynthup ia u Bah Nicky A Kharthangmaw, president, Bah D J B Wriang, general secretary, Bah Balumlang Nongbri, publicicy secretary. Na ka liang ka School Managing Committee la wan pynshngain da u Bah Carlus Kharkongor, president, Rev Phadar Pius Shadap, secretary. Rev Sister Aidalin Sohkhlet, principal, ki nonghikai bad ki khynnah skul.
Ki khynnah skul ki la pynkmen ia kine arngut ki nonghikai ba shongthait noh na ka kam hikai da ki jingshad, jingput jingtem, bad ki jingrwai balung mynsiem kum ka jingsngewnguh ia kine arngut ki nonghikai kiba la aiti met bad mynsiem na ka bynta ka lawei jong ki. Ki para nonghikai ruh ki la rwai da ka sur bathiang ha kane ka sngi.
Peit ia ki program ba bun bah jong ka Don Bosco Media Network TV
1. Local Cable LCN Channel 279
2. YouTube Channel
3. OTT @ dbmnTv
4. Ha ka website: donboscoshillong.org

#Khuborjylla #khasinews #khuborkhasi #NewsFromMeghalaya​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ #donboscomedianetwork #KSU #NEHU #Shillong #dbmnTv #Khubor #Shillong #donbosco #Samla #Youth

Follow us on:
Facebook: https://www.facebook.com/profile.php?id=100088693591326
Instagram: https://www.instagram.com/db_media_network_shillong/